അവസാന ഓവര്‍വരെ ആവേശം നീണ്ടുനിന്ന് പോരില്‍ ചെന്നൈയ്ക്ക് 5 വിക്കറ്റ് ജയം. 1 ബോള്‍ അവശേഷിയ്ക്കെയാണ് ചെന്നൈ ജയം സ്വന്തമാക്കിയത്. വിനയ്കുമാര്‍ എറിഞ്ഞ അവസാന ഓവറിലെ അഞ്ചാമത്തെ ബോളില്‍ സിക്സടിച്ച് രവീന്ദ്ര ജഡേജയാണ് ചെന്നൈയുടെ വിജയറണ്‍ നേടിയത്. ബില്ലിംഗസണിന്റെ അര്‍ദ്ധ സെഞ്ച്വറിയുടേയും വാട്സണിന്റെ 42 റണ്സിന്റേയും റായിഡുവിന്‍റെ 39 റണ്‍സിന്റെയും മികവിലാണ് ചെന്നൈ ജയം സ്വന്തമാക്കിയത്.നേരത്തേ ആദ്യം ബാറ്റ് ചെയ്ത കൊല്‍ക്കത്ത ആറു വിക്കറ്റിന് 202 റണ്‍സെന്ന കൂറ്റന്‍ സ്‌കോര്‍ പടുത്തുയര്‍ത്തി. വീന്‍ഡീസ് ഓള്‍റൗണ്ടര്‍ ആന്ദ്രെ റസ്സലിന്റെ അവിസ്മരണീയ ബാറ്റിങാണ് കെകെആറിനെ 200 കടത്തിയത്. വെറും 36 പന്തില്‍ ഒരു ബൗണ്ടറിയും 11 കൂറ്റന്‍ സിക്‌സറുമടക്കം താരം 88 റണ്‍സ് വാരിക്കൂട്ടി പുറത്താവാതെ നിന്നു. റോബിന്‍ ഉത്തപ്പ (29), ക്രിസ് ലിന്‍ (22), സുനില്‍ നരെയ്ന്‍ (12), നിതീഷ് റാണ (16), ദിനേഷ് കാര്‍ത്തിക് (26), റിങ്കു സിങ് (2) എന്നിവരുടെ വിക്കറ്റുകളാണ് കെകെആറിന് നഷ്ടമായത്. റസ്സല്‍ ക്രീസിലെത്തുമ്പോള്‍ കൊല്‍ക്കത്ത അഞ്ചു വിക്കറ്റിന് 89 റണ്‍സെന്ന നിലയിലായിരുന്നു. എന്നാല്‍ ക്യാപ്റ്റന്‍ ദിനേഷ് കാര്‍ത്തികിനെ സാക്ഷിയാക്കി റസ്സല്‍ വെടിക്കെട്ട് തീര്‍ക്കുകയായിരുന്നു.
0 comments:
Post a Comment