ക്രിക്കറ്റ് പ്രേമികള്‍ക്ക് മായന്തി ലാഗംറുടെ മുഖം സുപരിചിതമാണ്. ഐപിഎല്‍ കാണുന്ന ഇന്ത്യക്കാര്‍ക്ക് തീര്‍ച്ചയായും മായന്തിയെ അറിയാതിരിക്കാന്‍ വഴിയില്ല. അവതരണത്തിലെ മികവിനും അറിവിനും പുറമെ ഇവരുടെ വ്യക്തിത്വവും നിരവധി ആരാധകരേയാണ് മായന്തിക്ക് സ്വന്തമായുള്ളത്. അത്തരത്തിലുള്ള ഒരു ആരാധകന്‍ മായന്തിയെ ഡിന്നറിന് ക്ഷണിച്ചതാണ് സോഷ്യല്‍ മീഡിയയില്‍ ഇപ്പോള്‍ ഹിറ്റായിക്കൊണ്ടിരിക്കുന്നത്. മായന്തി സ്‌ക്രീനിലുണ്ടെങ്കില്‍ പിന്നെ ഞാന്‍ മറ്റൊന്നും ശ്രദ്ധിക്കാറില്ലെന്നും മായന്തി അതീവ സുന്ദരിയാണെന്നും അത് വാക്കുകള്‍കൊണ്ട് വിവരിക്കാനാവില്ലെന്നും പറഞ്ഞാണ് അത്താഴയത്തിന് ക്ഷണിച്ചത്.എന്നാല്‍, ഡിന്നറിന് വിളിച്ചതിന് നന്ദിയെന്നും ഡിന്നറിന് പങ്കെടുക്കാന്‍ എന്റെ ഭര്‍ത്താവിനും സന്തോഷമായിരിക്കുമെന്നാണ് മായന്തിയുടെ മറുപടി. മായന്തിയുടെ സെന്‍സ് ഓഫ് ഹ്യൂമര്‍ എന്തായാലും സോഷ്യല്‍ മീഡിയ ഏറ്റെടുത്തിട്ടുണ്ട്.
0 comments:
Post a Comment