താരലേലത്തില്‍ കിങ്‌സ് ഇലവന്‍ പഞ്ചാബ് 11 കോടി കൊടുത്ത് സ്വന്തമാക്കിയ കെഎല്‍ രാഹുലാണ് കഴിഞ്ഞ ദിവസത്തെ ഐപിഎല്ലിലെ മിന്നും താരം. ഐപിഎല്‍ ചരിത്രത്തിലെ ഏറ്റവും വേഗതയേറിയ അര്‍ധ സെഞ്ച്വറി സ്വന്തമാക്കിയ രാഹുല്‍ കേവലം 14 ബോളില്‍ നിന്നാണ് അര്‍ധ ശതകം തികച്ചത്.മൂന്ന് സിക്‌സും ആറ് ഫോറുമടങ്ങുന്ന ഇന്നിങ്‌സായിരുന്നു രാഹുല്‍ കാഴ്ചവെച്ചത്. ഇന്നിങ്‌സിനിടയില്‍ കിങ്‌സ് ഇലവന്‍ സൂപ്പര്‍ താരം യുവരാജ് സിങ് തന്നോട് പറഞ്ഞകാര്യം വെളിപ്പെടുത്തിയിരിക്കുകയാണ് രാഹുല്‍. ട്വന്റി20 ക്രിക്കറ്റിലെ ഏറ്റവും വേഗതയേറിയ അര്‍ധ സെഞ്ച്വറിക്കുടമയായ യുവി തന്റെ ആ റെക്കോര്‍ഡ് തകര്‍ക്കുമോ എന്നാണ് യുവരാജ് രാഹുലിനോട് തമാശരൂപേണ ചോദിച്ചുവെന്നാണ് രാഹുല്‍ വ്യക്തമാക്കിയത്. 51 റണ്‍സെടുത്ത രാഹുലിനെ പിന്നീട് ബോള്‍ട്ട് പുറത്താക്കുകയായിരുന്നു. ടോസ് നേടിയ കിംഗ്‌സ് ഇലവന്‍ പഞ്ചാബ് ഡല്‍ഹി ഡല്‍ഹി ഡെയര്‍ ഡെവിള്‍സിനെ ബാറ്റിംഗിനയക്കുകയായിരുന്നു. ഡല്‍ഹി നായകന്‍ ഗൗതം ഗംഭീറിന്റെ അര്‍ദ്ധസെഞ്ച്വറിയാണ് ഡല്‍ഹിക്ക് ഭേദപ്പെട്ട ടോട്ടല്‍ സമ്മാനിച്ചെങ്കിലും രാഹുലിന്റെയും കരുണ്‍ നായരിന്റെയും അര്‍ധ സെഞ്ച്വറി മികവില്‍ ജയം പഞ്ചാബിനൊപ്പം നിന്നു.
0 comments:
Post a Comment