ഓസ്‌ട്രേലിയയ്‌ക്കെതിരെ സ്വന്തം നാട്ടില്‍ ടെസ്റ്റ് പരമ്പര വിജയിച്ചതിന് ശേഷം ദക്ഷിണാഫ്രിക്ക ഇനി ശ്രീലങ്കയില്‍. ജൂലൈ – ഓഗസ്റ്റ് മാസങ്ങളിലായാണ് ഇരു ടീമുകളും തമ്മില്‍ ഏകദിന, ടെസ്റ്റ് പരമ്പരകള്‍ കളിക്കുന്നത്. ഒരു ടി20 മത്സരവും പര്യടനത്തിലുണ്ടായിരിക്കും.ജൂലൈ 7, 8 തിയ്യതികളില്‍ നടക്കുന്ന ദ്വിദിന പരിശീലന മത്സരത്തോടെയാണ് ശ്രീലങ്കന്‍ ദൗത്യത്തിന് ദക്ഷിണാഫ്രിക്ക തുടക്കമിടുന്നത്. അതിനുശേഷം രണ്ട് ടെസ്റ്റ് മത്സരങ്ങളും അഞ്ചു ഏകദിനങ്ങളും ദക്ഷിണാഫ്രിക്ക കളിക്കും. ഏകദിനത്തിന് മുന്നോടിയായി ഒരു ഏകദിന സന്നാഹ മത്സരവും പ്രോട്ടിയാസ്. സന്നാഹ മത്സരങ്ങള്‍ ശ്രീലങ്കയുടെ ഏത് ടീമുമായിട്ടാണെന്ന് പിന്നീട് പ്രഖ്യാപിക്കും. ഓഗസ്റ്റ് 14നാണ് പര്യടനം അവസാനിക്കുന്നത്.
ഓസ്‌ട്രേലിയയ്‌ക്കെതിരെ നടന്ന ടെസ്റ്റ് പരമ്പര 3-1നാണ് ദക്ഷിണാഫ്രിക്ക വിജയിച്ചത്. ആദ്യ മത്സരം ദക്ഷിണാഫ്രിക്ക പരാജയപ്പെട്ടപ്പോള്‍ പിന്നീടുള്ള മൂന്നു മത്സരങ്ങളും വിജയിച്ച് അവര്‍ ശക്തമായി തിരിച്ചുവരികയായിരുന്നു. ഓസീസിനെതിരെ മികച്ച ബൗളിംഗ് പ്രകടനം നടത്തിയ പേസര്‍ കഗിസോ റബാഡ പരുക്കിന്റെ പിടിയിലാണെന്നത് ദക്ഷിണാഫ്രിക്കയ്ക്ക് തിരിച്ചടിയാണ്. താരത്തിന് മൂന്നുമാസത്തെ വിശ്രമം വേണമെന്നാണ് ഡോക്ടര്‍മാര്‍ നിര്‍ദ്ദേശിച്ചിട്ടുള്ളത്.
0 comments:
Post a Comment