ഹാർദിക്കിന് എട്ടിന്റെ പണിയുമായി ട്രോളൻമാർ

കുട്ടിക്രിക്കറ്റിനിപ്പോൾ ഉത്സവകാലമാണ്. ട്രോളൻമാർക്കും. ഇന്നലത്തെ മുംബൈ ചെന്നൈ പോരാട്ടത്തോടെ ക്രിക്കറ്റ് ആരാധകർ മുഴുവൻ ഉന്മേഷഭരിതരായിരിക്കുകയാണ്. ഐ പി എല്ലിന്റെ ആദ്യ മത്സരം നടന്നത് രണ്ട് ശക്തരായ ആരാധകകൂട്ടങ്ങളുള്ള ടീമുകൾ തമ്മിലായിരുന്നു എന്നതും മത്സരത്തിന് ആവേശമുയർത്തി. രണ്ട് വര്‍ഷത്തെ ഇടവേളയ്ക്ക് ശേഷം മടങ്ങിയെത്തിയ ചെന്നൈ സൂപ്പര്‍ കിംഗ്‌സ് എന്തായാലും തിരിച്ചുവരവ് ജയിച്ചുതന്നെ തുടങ്ങിയിരിക്കുകയാണ്.  മത്സരത്തിൽ ഹാർദ്ദിക് പാണ്ഡ്യ പരിക്ക് പറ്റുകയും സ്ട്രച്ചറിൽ എടുത്തുകൊണ്ടുപോവേണ്ടതായും വന്നിരുന്നു.കാലിന് പരിക്കേറ്റതിനെ തുടര്‍ന്നായിരുന്നു പാണ്ഡ്യയെ മൈതാനത്തു നിന്നും എടുത്ത് കൊണ്ട് പോയത്. മുംബൈ ഇന്നിംഗ്‌സിന്റെ അവസാന ഓവറില്‍ ബ്രാവോ എറിഞ്ഞ അവസാന പന്തിന് ശേഷമായിരുന്നു പാണ്ഡ്യയ്ക്ക് പരുക്കേറ്റത്. ഡബ്ബിളിന് ഓടുന്നതിനിടെ പാണ്ഡ്യ ബ്രാവോയുമായി തട്ടി വീണ് പരുക്കേല്‍ക്കുകയായിരുന്നു.  പാണ്ഡ്യ നിലത്തുവീണ് കിടക്കുന്ന  രംഗം ഇപ്പോള്‍ സോഷ്യല്‍ മീഡിയയിൽ ട്രോളൻമാർ ആഘോഷമാക്കിയിരിക്കുകയാണ്