ഹൈദരാബാദ്: ഐപിഎല്ലില്‍ സണ്‍റൈസേഴ്‌സ് ഹൈദരാബാദ് രാജസ്ഥാന്‍ റോയല്‍സ് മത്സരത്തില്‍ രസകരമായ ചല സംഭവങ്ങള്‍ അരങ്ങേറി. മത്സരത്തിന്റെ ടോസിനിടെ ടീമിനെ കുറിച്ച് പറഞ്ഞപ്പോള്‍ ഹൈദരാബാദ് നായകനായ കെയ്ന്‍ വില്യാംസന്റെ സഹതാരത്തിന്റെ പേര് മറന്നതാണ് സംഭവം. ടീമിലെ നാലാമത്തെ വിദേശതാരത്തിന്റെ പേരാണ് വില്യാംസണ് മറന്നുപോയത്. ബംഗ്ലാദേശ് താരം ഷാക്കീബ് അല്‍ ഹസന്റെ പേരാണ് വില്യാംസണ് എത്ര ആലോചിച്ചിട്ടും ഓര്‍മവരാഞ്ഞത്. ഇതോടെ രാജസ്ഥാന്‍ നായകന്‍ അജിങ്ക്യാ രഹാനെ ഷാക്കിബിന്റെ പേര് ഓര്‍മിപ്പിക്കുകയായിരുന്നു. കമന്റേറ്ററായ ഡാനി മോറിസണാണ് വില്യാംസണോട് ടീം ഇലവനെക്കുറിച്ച് പറയാന്‍ ആവശ്യപ്പെട്ടത്. റഷീദ് ഖാനും സ്റ്റാന്‍ലേക്കും താനും പിന്നെ ഒരു വിദേശതാരം കൂടി അന്തിമ ഇലവനിലുണ്ടെന്നായിരുന്നു വില്യാംസന്റെ മറുപടി. എന്നാല്‍ നാലാമത്തെ വിദേശതാരത്തിന്റെ പേര് എത്ര ആലോചിച്ചിട്ടും വില്യംസണ് ഓര്‍മയില്‍ വന്നില്ല. ഈ സമയത്താണ് രഹാനെ ഇടപെട്ടത്. അതിന്റെ വീഡിയോ ഏറെ വൈറലായിട്ടുണ്ട്.
0 comments:
Post a Comment