പാകിസ്താന് അപൂര്‍വ്വ നേട്ടം

വെസ്റ്റിന്‍ഡീസിനെതിരായ രണ്ടാം ടി20യില്‍ കൂറ്റന്‍ സ്‌കോര്‍ കണ്ടെത്തിയ പാകിസ്താന് ചരിത്ര നേട്ടം. ടി20യില്‍ അവരുടെ ഏറ്റവും മികച്ച സ്‌കോറെന്ന നേട്ടമാണ് വിന്‍ഡീസിനെതിരെ പാക്‌സ്താന്‍ സ്വന്തമാക്കിയത്.  കറാച്ചി നാഷണല്‍ സ്റ്റേഡിയത്തില്‍ നടന്ന രണ്ടാം മത്സരത്തില്‍ മൂന്ന് വിക്കറ്റിന് 205 റണ്‍സാണ് പാകിസ്താന്‍ നേടിയത്. 2008ല്‍ ബംഗ്ലാദേശിനെതിരെ നേടിയ അഞ്ചിന് 203 എന്ന സ്‌കോറായിരുന്നു ഇതിനു മുമ്പുള്ള പാക്കിസ്താന്റെ ഉയര്‍ന്ന സ്‌കോര്‍.  കഴിഞ്ഞ ദിവസം നടന്ന ആദ്യ ടി20 മത്സരത്തില്‍ അതേ സ്‌കോറിനു ഒപ്പമെത്തുവാന്‍ പാക്കിസ്താന് സാധിച്ചിരുന്നുവെങ്കില്‍ ഇന്ന് അത് മറികടക്കുവാന്‍ ആതിഥേയര്‍ക്കായി.  അതെസമയം 206 റണ്‍സ് വിജയലക്ഷ്യവുമായി ഇറങ്ങിയ വിന്‍ഡീസിന്റെ പ്രതിരോധം കേവലം 123 റണ്‍സിലൊതുങ്ങുകയായിരുന്നു. ഇതോടെ മത്സരത്തില്‍ 82 റണ്‍സിന് വെന്നിക്കൊടി പായിക്കാനും പാകിസ്താനായി. സ്‌കോര്‍ : പാകിസ്ഥാന്‍ 205/3 (20 ഓവര്‍), വെസ്റ്റിന്‍ഡീസ് 123/10 (19.2 ഓവര്‍).  97 റണ്‍സെടുത്ത പാകിസ്ഥാന്റെ ബാബര്‍ അസമാണ് കളിയിലെ കേമന്‍. 58 പന്തില്‍ 13 ഫോറും ഒരു സിക്‌സും സഹിതമാണ് അസമിന്റെ ബാറ്റിംഗ്. ഹുസൈന്‍ തലത്ത് 63 റണ്‍സും അടിച്ച് കൂട്ടി