മുംബൈ: ഐ.പി.എല്ലിന്റെ പതിനൊന്നാം സീസണിന് ആരംഭിക്കാന് മണക്കൂറുകള് ശേഷിക്കെ ഇന്ത്യന് ക്രിക്കറ്റ് പ്രേമികള്ക്ക് സന്തോഷ വാര്ത്ത. ഐപിഎല്ലിലെ പ്രധാന മത്സരങ്ങള് സ്റ്റാര് സ്പോട്സിന് പുറമെ ഇത്തവണ ദൂരദര്ശനിലും സംപ്രേഷണം ചെയ്യും. ദൂരദര്ശന്(ഡിഡി) യിലാകും ഈ മത്സരങ്ങള്. സീസണിലെ ഉദ്ഘാടന മത്സരവും ഉദ്ഘാടന ചടങ്ങുകള്ക്കും പുറമേ ഫൈനല് മത്സരവും ചടങ്ങുകളും ദൂരദര്ശനിലൂണ്ടാകും. മാത്രമമല്ല ക്വാളിഫയര് മത്സരങ്ങളും ദൂരദര്ശന് സംപ്രേക്ഷണം ചെയ്യുമെന്നും റിപ്പോര്ട്ടുകളുണ്ട്. നാലു പ്ലേ ഓഫ് മത്സരങ്ങളാണ് ദൂരദര്ശന് സംപ്രേഷണം ചെയ്യാന് സാധ്യത. ക്വാളിഫയര്-1, എലിമിനേറ്റര്, ക്വാളിഫയര്-2, ഫൈനല്, ചെന്നൈയും മുംബൈയും തമ്മിലുള്ള ഉദ്ഘാടന മത്സര എന്നിവയും ദൂരദര്ശനിലൂടെ സംപ്രേക്ഷണം ചെയ്തേക്കാം. സ്റ്റാര് ഇന്ത്യയിലാണ് ഇത്തവണ ഐ.പി.എല് മത്സരങ്ങള് സംപ്രേക്ഷണ അവകാശം സ്വന്തമാക്കിയത്. ഇതിലൂടെ ലഭിക്കുന്ന വരുമാനം സ്റ്റാര് ഇന്ത്യയും ദൂരദര്ശനും 50: 50 ആനുപാതികത്തില് പങ്കുവെക്കും. ഐ.പി.എല്ലിന്റെ ഡിജിറ്റല്, ടെലിവിഷന് സംപ്രേക്ഷണാവകാശം സ്റ്റാര് ഇന്ത്യയാണ് സ്വന്തമാക്കിയിരിക്കുന്നത്. 16347.5 കോടി രൂപയ്ക്കാണ് സ്റ്റാര് ഇന്ത്യയുടെ കരാര്. കഴിഞ്ഞവര്ഷം വരെ ഇത് സോണി പിക്ചേഴ്സിനായിരുന്നു
0 comments:
Post a Comment